Fábjánar og menningarvitar

Eftir að hafa hlustað á þokkapiltinn Þráinn Bertelson í Bítinu á Bylgjunni í morgun, er ég hugsi yfir því hvernig svona maður geti komist í þá stöðu að sitja á þingi og eiga að vera aðili að því að setja okkur lög og ráða fram úr þeim vanda sem þjóðin er í. Hann hefur hins vegar sjálfur séð til þess að hann er nánast óvirkur sem þingmaður. Hann tók það óstinnt upp þegar félagar hans í (þá) Borgarahreyfingunni höfðu áhyggjur af því að geðheislu hans væri eitthvað ábótavant. Ég held að hann hafi frekar styrkt álit þeirra með framgöngu sinni í Bítinu. Hroki, dónaskapur og brenglað mat hans á fólki ber þess glögg merki. Með því að slíta samstarfinu við félaga sína og sitja sem óháður þingmaður utan flokka hefur hann tryggt sér þá þægilegu stöðu að þurfa ekki að starfa í nema einni nefnd þingsins (Allsherjarnefnd) og getur þar af leiðandi notið þeirrar tilvistar sem letingjar kjósa, þ.e. að gera helst ekki neitt.

 Það að telja þá fábjána sem ekki eru sömu skoðunar og hann um mál eins og listamannalaun, hlýtur að segja meira um þokkapiltinn Þráin og brenglað mat hans á skoðunum fólks,  að hluti þjóðarinnar sé fábjánar telji það að ríkið eigi ekki að greiða listamannalaun. Það eru skiptar skoðanir á öllum málum, sérstaklega þegar um er að ræða mál þar sem ríkið úthlutar skattfé almennings til sérvaldra. Þegar óformleg skoðana-könnun,  sýnir að 80 % þeirra, sem taka þátt séu andvígir greiðslu listamannalauna og séu því taldir fábjánar vegna skoðunar sinnar, er spurning hvort „Þokkapilturinn“  sjálfur hafi ekki gengið full langt.

Hroki og dónaskapur hans í garð tæknimannsins Þráins eru með öllu óafsakanleg. Að tala til manns sem væntanlega er ekki minni listamaður á sínu sviði en þokkapilturinn, sýnir hverskonar yfirlæti hrjáir þetta undur, sem afhjúpaði sig í morgun.Ég tel að Þráinn Bertelson hafi ekki eingöngu sýnt Þráni tæknimanni  helberan dónaskap og stjórnendum þáttarins, heldur móðgaði hann alla þá, sem ekki eru þeirra skoðunar að ríkið eigi að greiða sérvöldum aðilum listamannalaun.

Ég held að þokkapilturinn Þráinn Bertelson ætti nú að sjá sóma sinn í því að segja sig frá þingmennsku strax, þjóðin hefur ekki efni á því, að á þjóðþinginu sitji  „fábjánar“, og örugglega ekki menn,  sem ekki bera meiri virðingu fyrir skoðunum fólksins en hann sýndi. Íslendingar eiga svo miklu betra skilið.  Íslendingar þurfa að hafa fólk á Alþingi sem ekki er haldið geðkvillum, rangmati, hroka og sjálfsdýrkun.

 Þráinn! Þú átt að biðja þjóðina afsökunar og notaðu svo tækifærið og segðu af þér þingmennsku strax, þú ert alveg gjörsamlega óhæfur til starfans.

Eru forystumenn ríkisstjórnarinnar gungur..........

Það virðist vera sem forystusveit þjóðarinnar, hinir vösku liðsmenn samfylkingar og vinstri grænna séu staðráðnir í því að koma gungu eða raggeitar nafninu á sig, þeir byrja á að ráðast að velferð heimilanna og þeirra sem minnst meiga sín með hækkunum á bensini, áfengi og tóbaki.  

Svo þegar til landsins kemur friðarhafi Nobelsverðlauna og trúarleiðtogi Tíbeta, og maður sem hefur jafnvel verið talin heilagur maður, hlaupa flestir fulltrúar þjóðarinnar burtu. Forsetinn fer til Kýpur til að vera við setningu smáþjóðaleikanna, Jóhanna og Steingrímur láta ekki ná í sig og hafa sennilega falið sig undir rekkju sinni, af hræðslu, væntanlega þá við Alþýðulýðveldið Kína. Þau hefðu varla hlaupið burt ef hinir heilögu liðsmenn Evropubandalagsins hefðu heimsótt eyjuna fögru til að boða fagnarðarerindið um dásemdina sem okkur bíður við inngöngu í þeirra hjartfólgna bandalag.

Afsaknir þeirra, eins og Samgönguráðherra viðhafði í morgunútvarpinu, um að sennilega hefði hann ekki fengið bréf um boð til að hitta þennan merka mann og hefði þess vegna ekki möguleika á að hitta hann. Það væri fróðlegt að vita hvort jafnerfitt yrði fyrir hann að skapa tíma til að hitta jafn merka persónu, ef hún væri stjórnvöldum í Kína þóknalegri.

Raggeitur ríkisstjórnarinnar ættu að skammast sín, þeir ættu að taka á móti þessum merka manni sem opinber gestur væri, helst að heiðra hann og gefa þannig ríki eins og Alþýðulýðveldinu Kina langt nef og undirstrika að Island er land friðar og manngæsku og er mótfallin ofbeldi og ofríki þeirra þjóða sem kúa eða fara með valdi gegn þegnum sínum.

 

Aðförinn hafin að heimilum og fyrirtækjum

Aðför stjórnarflokkanna að heimilunum er hafin, hún hefst með glæsibrag,
hin vinstri græna hugmyndafræði hefur hafið innreið sína. Skjaldborgin sem
reysa átti um heimilinn í landinu hefur breyst í andhverfu sína. Hvernig
gat fólki dottið í hug að velja til forustu til að vinna landið út úr því
ástandi sem nú ríkir, 67 ára gamalmenni, útbrunna flugfreyju sem ekki er
mælandi á erlenda tungu og jarðfræðing sem helstu hefur unnið sér það til
frægðar að vera á móti öllum leiðum sem leitt gæti til framfara í
landinu, heldur fólk að þessir aumu einstaklingar hafi burði, hugmyndaflug
eða þor til að gera það sem þarf að gera. Að mínu mati eru einstaklingar
sem ekki hafa meira fram að færa en að ráðast til atlögu að heimilunum í
landinu, raggeitur.......... Þeir sem kusu yfir okkur þessar aumu flokka
sem nú eru við stjórnvölin hljóta að vera ánægðir... því uppbygging á hinu
norræna velferðarþjóðfélagi er hafin með hnífstungu í bak heimilanna og
fyrirtækjanna í landinu..........

Bensínið aldrei dýrara